Nagapadayon ang imbestigasyon sang Surallah MPS angot sa nasapwan nga bangkay sang isa ka babae sa Allah River Dam nga nahamtang sa Purok Asparagus, Brgy. Colongulo, Surallah, South Cotabato kahapon nga adlaw sang Sabado, Nobyembre 15,2025.
Base sa Surallah MPS, makabaton sila sang tawag sa cellphone halin sa 911 nga nagasaysay nga may natundan nga bangkay sa Allah River Dam sa nasambit nga nga barangay.
Gilayon nga ginpadala ang duty investigators upod ang duty alert team agud masiguro ang nasambit nga report.
Ginkilala ang biktima nga si alyas ”Marvis’, residente sang Purok Magsaysay ng Brgy.Lamsugod sa banwa sang Surallah, South Cotabato.
Suno kay alias “Romeo,” ang gatekeeper sang Allah River Dam, samtang yara siya sa paglimpyo sang intake gate, nakit-an niya nga may isa (1) ka wala na kabuhi nga lawas sa amo nga lugar. Dayon niya ginpanawagan ang 911 agud ireport ang insidente.
Sa imbestigasyon, samtang ginahimo ang retrieval operation sang LGU Surallah Rescue Team, nahibaluan nga ang indi pa makilalang bangkay amo ang isa ka babayi, nagasukod sang edad mga 55 tubtob 60 anyos, nagsuksok sang kolor berde nga bayo kag ginasiling nga posible biktima sang pagkalumos.
Ang bangkay gin-transfer sa SOCSKSARGEN General Hospital, Brgy. Dajay, Surallah, South Cotabato para sa pagpatigayon sang Post Mortem Examination.
