KORONADAL CITY– Nagapadayon sa karon ang pagpatuman sang imbestigasyon sang mga otoridad angot sa narekobre nga 2 ka bangkay sang mga lalaki nga banwa sang Banga,South Cotabato.
Sa ekslusibo nga interbyu sang Bombo Radyo Koronadal kay PCI Verlin Pampolina, hepe sang Banga PNP,nga 2 ka wala pa nakilalhan nga lalaki ang nabutan sang mga otoridad sa bahin sang boundary sang Brgy Malaya kag Bo. 6 sa nasambit nga banwa nga ginputos sang packing tape ang itsura kag may igo sang mga bala .
Nagwa naman sa imbestigasyon ng mga otoridad na posible sa lugar mismo ginluthang ang mga nasambit nga biktima bangod kay nakabati suno pa ang pila ka mga residente sang lupok sang isa ka armas.
Pipila man sa mga ini ang nakakita sa 2 salakyan nga ginapatihan nga ginsakyan mga sang mga suspetsado.
Ginkumpirmar man ni Brgy Kapitan Lito Gonzaga nga indi residente sang ila nga mga barangay ang nasambit nga mga biktima.
Sa karon ginahibalo pa sang mga otoridad ang identity sang mga ini.
