Wala na sang kabuhi sang nasapwan ang isa ka lalaki sa bahin sang Barangay Road, Purok Acacia, Barangay New Passi, Tacurong City., subong nga aga, Hunyo 5.
Ginkilala ang bangkay nga si Richard Beton Taño, 32 anyos, may asawa, self-employed, kag residente sang Barangay Dajay, Surallah, South Cotabato.
Personal nga nag-abot banda 1:30 sang hapon sa opisina sang Tacurong City PNP ang asawa sang nasambit nga lalaki kag ginkumpirmar ang identidad sang iya nga bana.
Suno sa asawa, ang iya bana ulihi nga nakit-an sa ila puluy-an sang Hunyo 2, 2025.
Banda alas 7:00 sang gab-i, naglakat ini nga wala naglisesniya kun sa diin ini magapadulong, kag wala na ini nakabalik pa.
Sa subong padayon pa ang imbestigasyon sang kapulisan agud matumod ang rason sang insidente kag madakpan ang mga indibdwal nga posible responsable sa nasambit nga pagkapatay sang lalaki.
