KORONADAL CITY – Padayon nga ginahibalo sang mga otoridad ang pagtumod sa isa ka lalaki nga yara sa state of decomposition sa bahin sang Surallah, South Cotabato.
Ini makaligad nasapwan ang nasambit nga bangkay sa isa ka sementeryo kun sa diin ginabulobanta nga yara sa tatlo ukon lima ka adlaw na ini nga patay.
Sa interbyu sang Bombo Radyo Koronadal kay Police Master Sergeant Jerry Lechogas sang Surallah PNP, ginlaragway sini ang nasambit nga bangkay nga yara sa 40 pasaka ang edad, nakasuksok sang polo shirt nga dirty-white, kag shorts nga may disenyo nga stripes nga may red-orange kag itom ang duag.
Mas nagpabudlay pa sa mga otoriadad ang pagtumod sa biktima bangud wala ini sang makit-an nga ID ukon anuman nga dokumento.
Ginahibalo man nila sa kun ano nga paagi napatay ang nasambit nga lalaki.
Nagapanawagan naman ang Surallah PNP sa tanan nga mga posible nga nawad-an sang ila mga himata nga magpadulong sa ila istasyon.
