KORONADAL CITY – Ginbawian na sang kabuhi ang isa ka manunudlo samtang isa naman ang pilason makaligad nga magbungguanay ang 2 ka bangka sa Rio Grande de Mindanao.
Ginkilala ang napatay nga si Jasmin Bello, 39-anyos kag residente sang Barangay Tamontaka Mother, Cotabato City.
Sandig sa report, padulong kuntani sa ginatudlu-an nga bulthuan ang nasambit nga manunudlo sa Barangay Maydapa, Sultan Kudarat, Maguindanao sang masugat-an sang ginasakyan sini nga bangka nga ginamaneho ni Toto Abdul ang isa pa pa ka pumpboat nga ginamaneho naman ni Salbe Taha.
Lunsay nadulaan suno pa sang kontrol ang 2 ka mga pumpboat operator agud agud magbungguanay ang mga ini nga nangin tunaan naman sang kamatayon ni Bello.
Naka-angkon naman sang pila si Adbul nga gilayon nga ginbulong sa pinakamalapit nga ospital kag yara na sa kustodiya sang mga otoridad samtang ginapangita pa ang isa pa ka pumpboat operator nga si Taha makaligad nga magpalagyo.
