KORONADAL CITY – Ginakabig sang Banga PNP nga case closed na ang nagluntad nga masaker sa bahin sang sang Prk. Pag-asa, Brgy. Rizal, Banga, South Cotabato nga ginkapatay sang tatlo ka tawo kag ginkapilas naman sang iban pa.
Ini ang ginkumpirmar ni police Major Joseph Forro III , ang hepe sang Banga PNP sa eksklusibo nga interbyu sang Bombo Radyo Koronadal.
Suno kay Major Forro, naka preparar na ang mga kaso nga igasang-at sa suspek nga si Gido Chemery Blatang ukon alyas Paul Bautista kun sa diin 2 counts nga frustrated murder kag 4 counts ang consummated murder ang igasang-at sa suspek, lakip na ang parricide bangud sa pagpatay sa iya tiayon nga si Monlene Magno-Bautista.
Suno kay Forro, case closed na ang nasambit nga kaso bangud nagaisahanon lamang ang suspek kag madamo sang mga testigo kag mga ebidensiya nga makatudlo kay Blatang nga siya ang naghimo sang brutal nga pagpanglabo.
Ginalantaw nga hatred due to family grudge ang ginalantaw nga motibo sang kapulisan sa paghimo ni Bautista sang pagpanglabo.
Sa subong padayon ang pagpakig-angot nila sa Glan PNP makaligad nahibaloan nga may maragtas man si Blatang didto nga ginlabo man niya ang iya nga ugangan didto antes nagpadulong sa ila nga banwa kag padayon nga nagakuha sang dugang nga impormasyon angot sa background sini.
