KORONADAL CITY- Nagapadayon sa karon ang imbestigasyon sang mga otoridad sa natabao nga pagpasigabong sang M79 Grenade Launcher sa balay sang anay nga Mayor sang Buluan Maguinadanao.
Suno kay Police Lt. Cemefranco Cemacio, hepe sang Buluan MPS, tatlo ka asud asud nga pagsigabong sang M79 Greanade Launcher ang nag igo sa puluy an ni anay Mayor Jong Mangudadatu kag asud asud nga paglupok sang matag as nga kalibre sang armas.
Sa inisyal nga imbestigasyon sang pulisya, na igo ang una nga pagsigabong sa ground floor sang balay kung sa diin nagatulog si Mangudadatu samtang ang duha pa ang nag igo naman sa 4th floor sang ila nga puluy an.
Maayo na lamang kag wala sang may napilasan sa pagsigabong apang nagresulta naman ini sang pagkaguba sa nagakalain lain nga bahin sang ila nga puluy an.
Narekober naman halain sa 100 ka metro ang basyo sang M79 kag nagakalain laian nga mga empty shells sang matag as nga kalibre sang armas.
Dako naman ang pagpati ni Mangudadatu nga ang mga private armed groups ang may kahimuan sang pagpangharass sang iya nga pamilya.
Nahibaluan nga nagapapili sa pagkakandidato sa ikaduha nga termino sini ang iya nga bata sang anay nga alkalde nga si Mayor Baby Dadz Mangudadatu.
Ang insidente ang natabo kadungan sang pagkakita sang isa ka granada, indi malayo sa entrance sang isa ka residential compound kung sa diin naga istar ang isa ka kandidato sa pagka-Mayor sa nasambit nga lugar.
Sa karon mas ginapahugtan pa ang seguridad sa nasambit nga lugar samtang mas nagahilapit na ang eleksyon.
