Bai Yabing Masalon Dulo, ginbag-o ang kabuhi sang mga kabataan kag kababaihan sa tribong Blaan

POLOMOLOK, SOUTH COTABATO – Ginbag-o ni Bai Yabing Masalon Dulo ang kabuhi sang mga kabataan kag mga kababaihan nga Blaan pinaagi sa pagpakigbahin sini sang ihibalo sa patag sang Ikat Weaving.

Ini ang ginhatagan punto sang isa sa mga estudyante ni Bai Yabing sa interbyu sang Bombo Radyo Koronadal.

Luwas sa nahatagan sila sang palangabuhian, nangin dalan man si Bai Yabing agud nga wala na sang mga kabataan nga Blaan sa ila lugar sa Sitio Amguo ang malakip sa Out of School Youth.

Tuman ka importante suno pa ang ihibalo nga ginpakigbahin sa ila ni Bai Yabing kag gin-awhag sini ang mga kabataan nga indi pagpabay-an ang kultura nga Blaan bangud ini ang matuod-tuod nga manggad sang ila nga Tribu kag mangin man sang South Cotabato.