KORONADAL CITY- Nagapadayon ang hugot nga monitoring sang Koronadal City Disaster Risk Reduction and Management Council sa mga apektado nga barangay sa syudad nga gindalasa sang baha kag landslide.
Madumduman nga kahapon nga adlaw, nakapagkit sang pagbakwit sang pila ka pamilya sa Sitio Datal Pitak, Barangay Assumption Koronadal City bangud sa pagkatiphag sang duta tuga sang pagbubo sang mabaskog nga ulan.
Suno kay Koronadal City Administrator Cyrus Urbano may natukiban nga paglitik sang duta kabangdanan sa pagkabutang sa peligro sang mga pumuluyo partikular na sang pamilya Malay rason nga ginbakwit ang mga ini.
Samtan una na nga ginpahayag sa Bombo ni Urbano nga magluwas sa nasambit nga barangay napagkit man ang pag-over flow sang suba sa Brgy. Cacub, Brgy. Topland, Brgy Saravia, Brgy GPS kag Brgy. Caloocan kun diin may mga pamilya nga ginbakwit apang gilayon naman nga nabuligan.
Samtang ginalauman nga mahatagan na sang ayuda ang mga apektado nga pamilya.
