Baha kag landslide liwat napagkit sa Koronadal kasunod sang pagbubo snag mabaskog nga ulan

KORONADAL CITY-Liwat naman nga nag-apaw ang tubig baha sa Sitio Cabuling, Brgy. Saravia, Koronadal City kasunod sang pagbubo sang mabaskog nga ulan.

Sa interbyu sang Bombo Radyo Koronadal kay Mini Bungan, Sitio Leader sang nasambit nga lugar, ginpahayag sini nga ginsulod sang tubig baha ang ila mga puluy-an matapos ang pagbubo sang ulan.

Magluwas sini, liwat nga napagkit ang landslide kun sa diin nahulog ang dalagko nga bato gikan sa bukid.

Sa subong, padayon ang monitoring sang City Government sa lugar ilabi na bangud indi ini ang una nga beses nga napagkit ang baha kag landslide sa lugar.

Samtang dako ang pagpasalamat sang mga residente bangud wala sang napagkit nga casualty kag pilason.