Magasaka naman ang presyo sang mga produkto nga petrolyo subong nga adlaw sang Martes, Hulyo 14, suno sa ginpaguwa sang Department of Energy (DOE).
Base sa anunsyo, magasaka sang ₱1.00 kada litro ang presyo sang gatong, ₱4.60 kada litro ang diesel, kag ₱2.30 kada litro ang kerosene.
Antes sini, naghatag ang DOE sang forecast nga posible magsaka ukon magnubo ang presyo sang gatong sang tubtob ₱1.00 kada litro, samtang ang diesel kag kerosene ginapaabot nga magsaka sang tunga sa ₱2.62 tubtob ₱4.62 kada litro kag ₱2.22 tubtob ₱4.22 kada litro.
Suno sa mga eksperto, ang padayon nga pagsaka sang presyo sang petrolyo sa pangkalibutan nga merkado, kasunod sang tensyon sa Middle East, amo ang isa sa mga rason sang pagsaka sang inflation sa Pilipinas halin pa sang Marso.
