KORONADAL CITY – Ginkalipay sang mga katoliko ang pag-appoint mismo ni Pope Francis sang bag-o na Marbel Bishop.
Nahibaluan nga ang bag-o nga Marbel Bishop amuh si Cerilo Casicas, 51 anyos sang Diocese of Marbel nnga mangin ika-apat na nga obispo sang diocese sa South Cotabato.
Pagatal-usan ni Casicas si Bishop Dinualdo Gutierrez nga una na nga nagretiro sa edad nga 75 anyos apang nagpabilin sa gihapon sa edad nga 79 tubtob gin-appoint si Casicas kun sa diin nagsirbe ini sa sulod sang 35 ka tuig kag nangin chairman sang National Secretariat for Social Action sang simbahan.
Sa pihak nga bahin, si Casicas ang kasamtangan nga Director of Pastoral Formation and professor sa Saint John Vianney Theological Seminary sa Cagayan de Oro City.
Si Casicas ang ginbun-ag sa Duero, Bohol sang Marso 1967 kag nag-eskwela sa Our Lady of Perpetual Help Seminary (OLPHS) sa syudad sang Koronadal kag nagsulod man sa Saint Francis Xavier Regional Seminary sa Davao City.
Si Casicas ang na ordinahan bilang pari sang diocese of Marbel sang October 27, 1994 kun sa diin makaligad ang iya nga ordination sya ang ginhingadlan nga diocese’s chancellor tubtob 1995 kun sa diin sya naman ang nangin Dean of Studies sa OLPHS.
Sang tuig 2003 nakuha sini ang iya nga licentiate sa dogmatic theology halin sa Pontifical Gregorian University sa Rome, kun sa diin sya ang nagsirbe bilang chaplain sang Filipino community.
Makaligad ang isa ka tuig, sya man ang nag eskwela sang German language courses sa Language Institute Kreuzberg sa Bonn, Germany kun sa diin sa iya pagbalik sa Pilipinas sya ang nangin propesor sa University of Notre Dame of Marbel halin 2005 tubtob 2006 kag sa kadugayon nangin vicar kag pastor sang Jesus Good Shepherd parish sang Polomok tubtob 2009.
Ginhalad man sini ang iya sabbatical year sa Trappist Abbey of Our Lady of Jordan sa Guimaras kag pila ka tuig pa nangin parish vicar man ini sang 3 ka nagkalain-lain nga parishes sa General Santos City.
