Sa madali nga panahon, magapagawas sang bag-o nga mapa sang Pilipinas nga nagalakip sang West Philippine Sea (WPS) bilang bahin sang sini nga jurisdiction, ini suno sa National Mapping and Resource Information Authority (NAMRIA).
Ginpahayag ni Namria Administrator Peter Tiangco sang Biyernes nga yara na ang mga mapa kag nagahulat na lang sila sang pagpaguwa sang implementing rules and regulations (IRR) sang Philippine Maritime Zones Act agud nga mahimo nila nga bag-uhon ukon pag revise sang mga mapa nga ila ginhimo para sa katapusan nga publikasyon.
Na-pirmahan naman ni Presidente Ferdinand Marcos Jr. sang Nobyembre 8, 2024 ang Philippine Maritime Zones Act, nga kilala man bilang Republic Act (RA) No. 12064, nga nagatuyo sa pagdeklarar sang mga maritime zones sang pungsod suno sa mga standard nga gintakda sang United Nations Convention on the Law of the Sea (UNCLOS).
Luwas sa pagpirma sang Philippine Maritime Zones Act, gin-aprobahan man ni Marcos sang Biyernes ang Philippine Archipelagic Sea Lanes Act (Republic Act No. 12065), nga nagaseguro sang proteksyon sang soberanya kag maritime domain sang pungsod Pilipinas.
