KORONADAL CITY- Natumod na sang mga otoridad ang identity sang bangkay nga nasapwan sa Bo.9 sa banwa sang Sto. Niño South Cotabato.
Nahibaluan nga mismo ang iloy sini nga si Ginang Ma. Lovelly Lacson Sanoy ang nagtumod sa bata sini nga si Vernon “Apple” Lacson Mauricio 28 anyos nga residente sang Brgy. Kenram Isulan Sultan Kudarat.
Suno sa iloy sang biktima, anay nga naga duso sang iligal nga droga ang iya bading nga bata nga napreso anay sa Sultan Kudarat District Jail sa sulod sang 5 ka tuig.
Dugang pa sini nga Marso 30 pa nadula si Apple makaligad nga mag-upod sa iya abyan kag nasapwan na lang sa higad sang dalan sa banwa sang Sto. Niño South Cotabato nga puno sang dugo kag nakahigot ang kamot.
Sa karun ginahibalo pa sang mga otoridad kun sin-o ang suspek sa pagpatay sang mga biktima apang dako ang posibilidad nga may kinahanglan sa gihapon ini sa iligal nga droga.
