Dead on arrival sa South Cotabato Provincial Hospital ang isa ka babayi matapos mabanggaan sang nagaharurot nga salakyan pasado alas 7:00 subong nga aga sa bahin sangg Purok Makiangayon, Barangay Esperanza, Syudad sang Koronadal.
Ginkilala ang nasambit nga biktima nga si Maria Luz Camandero Advincula, 54-anyos, kag amo residente sang Purok Paraiso, Barangay Esperanza, sang nasambit nga syudad.
Suno sa inisyal nga datos sang kapulisan, halin ang isa kaToyota Avanza nga may Plate Number NCL 9548 sa direksyon sang Barangay Topland padulong kun tani sa sentro sang syudad. Gani, samtang ang biktima nagapanakayon sakay sang iya single motor, nabanggaan siya sang nagaharurot nga salakyan.
Nag-antos sang seryoso nga mga pilas si Advincula sa nagkalain-lain nga bahin sang iya lawas.
Madason man nga gindanagat ini sa South Cotabato Provincial Hospital, apang gindeklara siya nga dead on arrival sang mga doktor.
Ang driver sang Toyota Avanza nga ginkilala kay Eusel Greg Furatero Porquez, amo ang nag surrender na sa bahin sang Barangay Rotonda.
Samtang, ang nasambit nga nga driver nagpabilin sa paghinakop sang Koronadal City PNP kag ginatubang ang mga posible nga kasong kriminal.
