KORONADAL CITY- Nagapadayon sa gihapon ang imbestigayon sang Koronadal City PNP sa nagluntad nga pagpangluthang-patay kay April Joy Yap Jaballa, 22 anyos residente sang Prk. Kaugnayan Brgy. GPS, syudad sang Koronadal.
Sa ekslusibo nga interbyu sang Bombo Radyo Koronadal kay Brgy. GPS kapitan Margarita Subaldo, tuman sini nga ginkakibot kag ginkasubo ang natabo sa biktima nga residente sang iya barangay nga ginapamunuan.
Base sa inisyal nga imbestigasyon, halin sa puluy-an ang biktima kag pagasugaton kuntano ang nobyo sini sang makalab-ot sa dulom nga bahin sang lugar sang gintiro ini sang ginapatihan nga riding in tandem.
Nagka-angkon sang 3 ka igo sang bala sa likod ang biktima kun sa diin gintistingan pa ini nga isalbar sang isa ka construction worker nga una nga nagresponder sa insidente kag gindala sa ospital apang gindeklarar nga dead on arrival.
Tuman naman ang kasubo sang pamilya sang biktima bangud sa gindangtan sini.
Nahibaluan nga 2 ka 2 anggulo ang gintan-aw sang PNP kun sa diin isa diri amo ang motornapping makaligad nga madula ang motorsiklo sini kag ang personal nga away makaligad nga ginpasiguro na patay ang biktima.
Dako man ang posibilidad nga kilala sang biktima ang mga suspek.
Sa karon, hustisya ang panawagan sang mga nabilin nga himata sang biktima.
Nahibaluan nga anay Purok president ang tatay sini nga bag-o lang man ginbawian sang kabuhi bangud sa sakit.
Natalana man nga ikasal ang biktima sa iya nga nobyo apang indi na madayon pa makaligad ang krimen.
Napag-alaman na dating Purok president ang ama nito na kakamatay lang din dahil sa sakit.
Nakatakda ding ikasal ang biktima sa kanyang nobyo ngunit di na matutuloy pa matapos ang krimen.
