KORONADAL CITY- Nakapreso na sa karon ang isa ka babaye nga manunudlo makaligad gin abusaran kag ginsakit ang pila suno pa sa iya mga estudyante sa banwa sang M’lang North Cotabato.
Suno sa impormasyon sang M’lang PNP, gin arestar nila si si Gerlie Villagonzalo, 38 anyos nga residente sang Brgy. Calunasan, M’lang North Cotabato sa gahum sang warrant of arrest na ginapagwa ni Judge Jose Tabuzares sang RTC Branch 16 sang Kabacan, North Cotabato.
Nahibaluan nga nagapangatubang sa kaso nga paglapas sa RA 7610 o laye nga nagahatag sang proteksyon batuk sa pag-aabuso, exploitation kag anuman nga sahi sang diskriminasyon ang nasambit nga suspek makaligad magsang-at sang reklamo ang isa sa mga ginhikanan sang iya mga biktima nga estudyante sa New Lawaan Elementary School sa Brgy. Lawaan, M’lang, North Cotabato.
Sa karon wala pa sang opisyal nga pahayag ang pamunuan sang nasambit nga buluthuan angot sa nasambit nga panghitabo.
