KORONADAL CITY – Personal nga nagpadulong sa waragwagan sang Bombo Radyo Koronadal si Anelyn Ignes Songano, isa sa mga ginhinagdlan sang mga nabiktima sang scam matapos nga matumod ang pangalan sini sa cheque nga ginbayad sa isa ka negosyante nga nagtalbog bangud wala sang unod.
Suno kay Anelyn Ignes Songano nga samtang yara ini sa Manila, ginhulam sang abyan sini nga si Sheryl Nismal ang iya cheke agud pagausaron sa iya negosyo nga bugasan kag bangud nga in good faith suno pa siya sa pagbulig sa abyan sini tigayon niya nga ginpirmahan ang cheque bangud wala ini sang may mapahulam nga cash.
Dugang pa sini nga ginkakibot na lamang nila ang panghilitabo sang mabatian sa waragwagan ang isyu nga naulamid ang iya pangalan bangud siya kasubong man suno pa nga isa ka biktima sang nasambit nga modus.
Nahilabulan nga nagreklamo ang negosyante nga si Alyas Jun matapos nga makuhaan sang P55 thousand pesos nga bugas sang nagahingalan kay Sheryl nga ginbaydan sang talbog nga cheque kag sang kontakon na kuntani sini indi na malab-ot pa.
Nagpasalamat na lamang si Alyas Jun nga nawaragwag sa kahanginan ang reklamo sini bangud nagtext suno pa si Sheryl kag nagpromisa nga bayaran ang nasambit nga kantidad sa Sabado nga adlaw ukon sa Nobyembre 21, 2020.
