Nasapwan na nga patay ang isa ka babaye sa bahin sang Purok Bagong Sikat, Brgy. GPS, Siyudad sang Koronadal subong nga aga 6:30 Pebrero 27, 2025.
Ginkilala ang babaye nga si alyas “Rosa”, 32 anyos kag residente sang nasambit nga lugar.
Nahibaluan nga upod ini ang live-in partner sini nga si alyas “Mark”, 25 years, construction worker kag residente man sang nasambit nga lugar.
Suno sa imbestigayon, nasapwan na nga patay si Rosa sa sulod sang ila CR nga may nylon rope sa iya nga liog.
Dugang pa ni Mark, pila na suno ka adlaw nga naga sisi ang iya ka live-in partner sa iya sarili bangod sa social media scamming kag naga eksperyensiya man sang depression ang nasambit nga babaye.
Ang nagluntad nga insidente wala sang foul play kag ginkumpirmar naman sang otoridad nga ang babaye mismo ang nag utas sang iya kaugalingon nga kabuhi.
