KORONADAL CITY – Makasiligni ang nadangdat sang isa ka 23-anyos nga babaye matapos nga tadtaron sang buno sa nagkalain-lain nga bahin sang iya lawas sang kalive-in partner sa Upi, Maguindanao
Ginkilala ang napatay nga si Antonnete Angkao Indong, taga Brgy Tapian, Datu Odin Sinsuat, Maguindanao samtang ang 29-anyos nga suspek anga boluntaryo nagsungka sa mga otoridad ang ginkilala nga si Edward Questo Gumban nga taga Sitio Sabaken Brgy. Bungcog, Upi.
Sa interview sang Bombo Radyo Koronadal kay Upi town chief VC 1 Police Major Dareen Tolosa, ginpahayag sini nga nagluntad ang pagpamuno sa puluy-an sang mga ini sa Abad Street, Brgy Nuro, Upi, Maguindanao.
Sandig sa panaysayon sang suspek, bag-o lamang ini abot sa ila balay sang makita ang iya kalive-in partner nga may iban nga ka video-call nga lalaki sa iya cellphone.
Nag-away sila tubtob nga nagpahayag ang biktima nga makigbulag sa suspek rason nga nagdulom ang panan-awan sini kag nagkuha sang kutsilyo tubtob nga ginbuno sang makapila ka beses ang biktima.
Aminado naman ang suspek sa nahimo nga krimen bangud boluntaryo ini nga nagsungka sa mga otoridad.
Dugang pa ni PMaj. Tolosa nga narefer na sa DSWD ang ila nga 3 years old nga bata kag ang 12 years old nga pakaisa agud nga mag undergo sang counseling matapos nga masaksihan ang mismo nga pagpatay sang suspek sa biktima. tahanan.
