Halimbawa, swelduhan ka sang employer bisan wala sang may ginahatag nga trabaho sa imo,ano mabatyagan mo?
Indi bala daw ka sadya lang kay tawhay ka na, may sweldo ka pa? Apang lain ang balatyagon diri sang isa ka babaye sa France nga ginsweldohan sa sulod sang 20 ka tuig apang wala gid ini ginhatagan sang trabaho sang iya employer.
Ang tagreklamo amo si Laurence Van Wassenhove nga ginrecruit bilang civil servant sang France Telecom sang 1993 antes gin-take-over sang company nga Orange.
Nahibaluan sang iya original employer nga may ginasuprer ini nga partial paralysis sang lawas kag may epilepsy pa ini gani ginhatagan ini sang posisyon nga santo sa iya medical conditions.
Nagtrabaho ini bilang secretary sa HR department tubtob sang 2002 sang ginhingyo sini nga i-transfer sa lain nga lugar.
Gin-aprubahan ang iya request apang ang iya posisyon ang wala nagakabagay sa iya sitwasyon.
Iya gin-antos ini sa sulod sang 20 ka tuig bangud wala gid naghimo sang adjustments ang kompaniya kag ginahatagan lang siya sang regular nga sweldo bisan nagapungko lang siya sa bilog nga adlaw sa sulod sang malawig nga tinuig.
Bangud sini, nagfile siya sang complaint batok sa kompaniya kag sa apat sini ka managers bangud sa “moral harassment kag discrimination”.
Nagdepensa naman ang kompaniya kag ginpanginwala ang mga alegasyon sang empleyado.
Sa subong, yara sa gihapon sa korte ang kaso sang amo nga babaye.
