Ayusin naman nila ang picture ko, hindi naman ako pangit – VP Inday

Nagbiro si Vice President Sara Duterte tungkol sa paggamit umano ng mga “pangit” niyang larawan sa mga balita.
Aniya, wala naman siyang pakialam sa laman ng balita, ang mahalaga ay maganda o “presentable” siyang tingnan sa publiko.

Dagdag pa ni Duterte, madalas umanong hindi niya gusto ang mga larawang pinipili ng ilang media outlets dahil nakukuha raw ito sa mga pagkakataong pagod siya o hindi handa sa kamera.
Pabiro niyang sinabi na sana ay “maawa” naman daw ang mga ito at piliin ang mga larawan kung saan “nakangiti at maayos ang ayos ng buhok.”

Dahil dito, hiniling ng Pangalawang Pangulo sa kanyang mga staff na magpadala ng mga “magagandang” litrato niya upang gamitin sa mga ulat ng media—lalo na sa mga opisyal na pahayag o press releases ng kanyang tanggapan.
Bagama’t pabiro ang kanyang pahayag, ipinakita rin nito ang pagiging kampante at may sense of humor ni Duterte sa harap ng mga isyung ibinabato sa kanya.