Nagtaliwan na ang award winning singer nga si Neil Sedaka sa edad nga 86-anyos.
Ginkumpirmar sang pamilya ang hinali nga pagtaliwan sang ila pinakapalangga nga bana, amay, kag lolo, nga ginakabig nga isa ka matuod-tuod nga legend sang rock and roll.
Samtang, nag-ulan naman sang pagpakig-unong halin sa iya mga mga himata, malapit nga abyan sa matuod nga kabuhi kag sa industriya, lakip man halin sa iya mga fans kag supporters.
Nakilala si Sedaka sa iya boyish nga boses kag bagsik nga boses nga nagpasikat sa iya sang una nga bahin sang rock ‘n’ roll.
Pila sa mga sikat niya nga ambahanon amo ang “Breaking Up Is Hard to Do”, “Laughter in the Rain”, kag “Calendar Girl”.
Nangin sikat si Sedaka sa sulod sang duha ka dekada, una sang 1960s kag sa liwat nagsika sang 1970s.
Suno sa pahayag sang pamilya, indi lang inspirasyon sa milyon-milyon nga fans si Sedaka kundi isa man ka mabuot kag maayo nga indbidwal.
Sa karon, wala pa sang ginpaguwa nga detalye bahin sa kabangdanan sang iya kamatayon.
