KORONADAL CITY- Ginakabig sa karun nga high risk sa infection sang Avian Influenza (H5N1) ang bilog nga probinsya sang South cotabato bangud sa presensya sang balatian sa kaiping nga probinsya sini nga Sultan Kudarat.
Ini ang nangin pahayag ni Dra. Flora Bigot, South Cotabato Provincial Veterinarian sa ekslusibo nga interview sang Bombo Radyo Koronadal.
Suno sa opisyal, isa ang probinsya sang South Cotabato nga ara sa high risk of infection bangud dikit lamang ang probinsya nga ang Sultan Kudarat sa diin una nga natukiban ang nasambit nga balatian sa mga hinuptan nga mga hinuptan nga bibe.
Dugang pa sini, mas pagapasangkaron man sang ila nga talatapan ang survaillance kag monitoring sa mga restriksyon nga ginapatuman sa South Cotabato sa interprovice kag intraprovince travels sang mga manok, bibe, pabo, pato, manok panabong nga manok kag madamo pa nga iban para mapabilin nga luwas ang mga hinuptan nga mga sapat sa sulod sang probinsya.
Kun madumduman, una na nga nakasulod sa kilometer radius of monitoring ang pila ka mga barangay sa duha ka mga banwa sang South Cotabato kun sa diin ginkuhaan man sang blood samples kag nag negatibo man sa nsambit nga balatian.
Sa subong, luwas pa sa halit sang Avian Influenza (H5N1) o”Bird flu free” ang lalawigan ng South Cotabato apang nagapabilin naman ini nga high risk sa gihapon sa nasambit nga balatian.
