Dati nga presidential spokesperson nga si Atty. Harry Roque naga-atubang sang disbarment case nga gin duso sa Korte Suprema sang dati nga cabinet secretary Atty. Melvin Matibag.
Pero nagpamalibad si Atty. Matibag nga ibutyag ang mga detalye sang kaso, pero iya ginsaysay ang mga isyu nga ginsambit kay Roque naga-upod ang iya mga posts sa social media, lakip na ang “polvoron” deepfake video nga ginasiling may kahilabtanan sa kamuka ni Pangulong Ferdinand Marcos, Jr.
Una nga nagpaandam ang eksperto sa pag damo sang pag gamit sang deepfakes matapos ipagawas ang peke nga bidyo ni President Marcos. Jr.
Sang nag ligad nga Hulyo, ginpahayag sang mga opisyal nga ang video nga ginasiling, nagapakita sang nagagamit sang droga amo ang “deepfake” ukon digitally manipulated.
Ginhambal nila nga ini kabahin sang isa ka plano nga pag-destabilize sa gobyerno.
Nagpamalibad si Atty. Matibag nga ang disbarment case kabahin sang ginpahayag nga harassment efforts batok kay Atty. Roque nga kritikal kay Pangulong Ferdinand Marcos Jr. kag ginaatubang ang contempt charges halin sa House of Representatives.
Suno kay Atty. Matibag, posible nga mag paguwa ang Korte Suprema sangg jurisprudence kun paano dapat magpahikot ang mga abogado, labi na sa social media.
Ginasiling nga wala pa sang partikular nga kaso nga nadesisyunan ang Korte nga may kaangtanan sa pag gamit sang deepfake video batok sa isa ka nakapungko nga Presidente sang pungsod.
