Ginkastigo ni anay Presidential Spokesman Atty. Harry Roque si Pangulong Ferdinand Marcos Jr. kag nagpahayag nga indi magpakatinlo sa isyu sang anomalya sa flood control kag korapsyon sa Department of Public Works and Highways (DPWH). Sa iya programa nga Spox Hour subong nga kahapon sang sabado, ginpahayag ni Atty. Roque nga na imbolbar man kuno ang Pangulo sa nasambit nga isyu.
Isa sa mga ginpunto ni Roque nga kuno ebidensya amo ang ginreport nga pagdala sang daku-daku nga kantidad sang kwarta sa Aguado residence, nga ara lang sa atubang sang Malacañang. Kung ma dumdoman nga una na ini ginbuyagyag sang isa ka surprise witness nga anay sundalo kag security consultant ni nagresign nga Ako Bicol Party List Rep. Zaldy Co — si Master Sergeant Orly Regala Guteza — nga siya mismo ang personal nga nagdala sang mga maleta nga may sulod nga milyones nga kwarta, nga ginatawag nila nga “basura,” padulong sa balay ni anay House Speaker Martin Romualdez kag sa Aguado residence.
