Ginpamatud-an ni anay DepEd Undersecretary Atty. Michael Wesley Poa nga wala sang DepEd confidential funds nga ginhatag sa Armed Forces of the Philippines (AFP) para saDepEd confidential funds (YLS) nga ginhingadlan sa mga military certification nga ginpresentar sa Commission on Audit (COA).
Ginpahayag ini ni Poa bilang hostile witness sa ika-21 nga adlaw sang impeachment trial ni Vice President Sara Duterte.
Suno kay Poa, ang iya pag-angot sang confidential fund expenditures sa mga aktibidad sang AFP isa lamang ka “theory” ukon personal nga interpretasyon, kag wala siya sang personal nga ihibalo kun ang impormasyon halin sa mga informers amo ang nagdul-ong sa mga aktibidad sang militar.
Gin-ako man ni Poa nga nagsugod lamang ang iya involvement sa confidential funds sang nabaton niya ang COA Audit Observation Memorandum (AOM).
Si Duterte ang DepEd Secretary sang 2023 sang naggasto ang ahensya sang P112.5 milyon nga confidential funds, nga kabahin sa alegasyon sang pag-abuso kag irregular liquidation nga ginatukod sa una nga Article of Impeachment.
