Nagpasang-at sang ethics complaint ang abogado nga si Atty. Marvin Aceron batok kay Senador JV Ejercito bangud sa gina-alegar nga pagpabaya sa iya obligasyon matapos indi aksyunan ang reklamo batok kay Senador Chiz Escudero.
Nabaton ni Ejercito ang reklamo kag nagpaathag nga indi pa puwede magsugod ang hearing sang ethics committee kay wala pa ini nagapatigayon, apang pagasundon nila ang due process kag ang kaso suno sa pagkasunod sang pagpasang-at.
May kaangtanan ang nasambit nga kaso batok kay Ezcudero sa ₱30-milyon nga campaign donation halin sa kontratista nga si Lawrence Lubiano, nga ginpahayag ni Escudero nga legal kag gindeklara.
Madumduman nga sang Nobyembre 2025, gin-clear na sila sang Political Finance and Affairs Department (PFAD) sang Commission on Elections.
Ginadumilian sang Omnibus Election Code ang political donations halin sa mga kontratista sang gobyerno.
