-- ADVERTISEMENT --
Ginapangabay ni Atty. Harry Roque sa Integrated Bar of the Philippines (IBP) paagi sa Commission on Bar Discipline nga ibasura ang disbarment complaint nga ginpasaka ni Atty. Melvin Matibag.
Ginpasaka ni Matibag ang disbarment case batok kay Roque bangod sa ginpaguwa sini nga ginahingadlan nga “polvoronic” video nga ginahambal amo kuno si Pangulong Ferdinand Marcos Jr. ang yara sa video.
Suno sa anay presidential spokesperson, nagapati ini nga ang nasambit nga video amo gid ang “authentic” bangod gin-usisa pa ini sang mga Audio/Video Forensic Experts.
Ginpanindugan man niya nga ang iya mga komento sa iya social media kabahin lamang sang kahilwayan sa pagpamahayag.
