Inihayag ni Jonvic Remulla na muntik nang madakip ng mga awtoridad ang negosyanteng si Charlie ‘Atong’ Ang matapos makatanggap ng impormasyon ukol sa umano’y kinaroroonan nito.
Ayon sa kalihim ng Department of the Interior and Local Government, agad na rumesponde ang mga operatiba batay sa kanilang natanggap na tip. Gayunpaman, pagdating sa target na lokasyon ay wala na roon ang nasabing pugante.
Si Ang ay matagal nang iniuugnay sa misteryosong pagkawala ng mga sabungero ilang taon na ang nakalilipas—isang kaso na patuloy na iniimbestigahan hanggang ngayon. Kaugnay nito, may nakalaan nang reward na umaabot sa P20 milyon para sa sinumang makapagbibigay ng impormasyon na magtuturo sa kanyang kinaroroonan.
Samantala, mariing itinanggi ng kampo ni Ang ang lahat ng paratang, at iginiit na wala siyang kinalaman sa naturang insidente.
