KORONADAL CITY- Nakuha sang isa ka atleta gikan sa Davao Region ang bulwan nga medalya sa nagapadayon nga 32nd Southeast Asian Games sa Cambodia.
Makaligad ang tatlo ka tuig, nakuha na gid sang taga Davao nga si Marc Alexander Lim ang madugay na sini nga bulawan nga medalya matapos sini nga malutos si Vietnam’s Dang Dinh Tung sa men’s ne-waza nogi 69kg division.
Sa interbyu sang Bombo Radyo Koronadal kay Marc Alexander Lim – Gold medalist in the Jiu-jitsu Men’s Ne-waza Nogi -69kg competition ginpahayag sini nga sang naglabay nga 2019 SEA Games, nadag an niya ang silver medal samtang bronze medal naman ang nakuha sini sang nagligad nga tuig.
Isa ini sa nangin dalan agud nga magpursige nga dapat makuha niya na gid ang bulawan nga medalya.
Tubtub sa karon, indi pa siya makapati nga nakuha niya ang nasambit nga medalya para sa dako nga bugal sang Pilipinas.
Sa karon, siya ang magapuli na sa Davao agid nga pasalamatan ang tanan nga mga tao nga nagsupurta sa iya.
