Nakatalana nga harangon sang gobyerno sang Pilipinas ang ginpangayo nga asylum ni anay Presidential Spokes Atty. Harry Roque sa The Netherlands.
Suno sa Department of Justice, kon maguwa na ang arrest warrant batok kay Roque para sa kaso nga human trafficking, mangin mabudlay na para kay Roque ang iya pangabay nga mahatagan sang asylum.
Ginpasaka na sang DOJ sa Angeles City Regional Trial Court ang kaso nga non-bailable qualified human trafficking kag regular human trafficking nga kaso kontra kay Roque.
Kalakip sa ginpasakaan sang kaso amo si Cassandra Li Ong kag iban pa nga mga tawo.
Si Roque may partisipasyon suno pa kag abogado sang Whirlwind Corporation kag representante man sang Lucky South 99.
Ginsalakay ini nga POGO hub sa Porac, Pampanga bangud sa ilegal nga operasyon nga nagalakip sang human trafficking.
Madumduman, sang Disyembre sang nagligad nga tuig, nagpasaka si Roque sang counter-affidavit halin sa United Arab Emirates kag ginpanigwala nga siya abogado sang Lucky South 99.
