KORONADAL CITY- Nagtuga sang kahadlok sa mga pumuluyo sang South Cotabato ang asud-asod nga pagpang atake sang riding in-tandem sa probinsya.
Nahibaluan nga isa ka barangay kagawad ang ginluthang patay sang riding in-tandem sa Brgy. Sulit Polomolok South Cotabato nga ginkilala kay Brgy. Kagawad Norman Nilong kun sa diin suspek ang 2 ka mga lalaki nga nakasakay sa wala plate number nga motorsiklo.
Samtang patay man ang isa ka lalaki nga ginkilala kay Jomarie Manero sang Brgy. Maligo Polomolok South Cotabato makaligad ginpaulanan sang bala sang riding in-tandem.
Makaligad ang 2 ka insidente pilason man ang isa ka driver nga si Rodel Dalaguit sang brgy. Colunggolo Surallah South Cotabato sang nakaligad nga gab-i makaligad luthangon sang riding in-tandem sa nasambit nag lugar kag maswerte na lang nga nakaluwas sa kamatayon sa bulig sabg mga residente.
Kaangot sini, nagpatigayon na sang imbestigasyon ang South Cotabato PNP kun may koneksyon ang tatlo ka asud-asod nga insidente sang pagpangn atake sang riding in-tandem kag ginalagas naman ang mga suspek.
