KORONADAL CITY – Tuman nga ginkaalarma sang mga residente ang asud-asod nga mga insidente sang paghikog diri sa probinsya sang South Cotabato.
Ini makaligad napagkit na naman ang panibag-o nga insidente sang paghikog sa bahin sang Brgy. Esperanza diri sa siyudad sang Koronadal.
Sa interbyu sang Bombo Radyo Koronadal kay Brgy. Esperanza kapitan Edgardo Cabardo, ginkilala ang biktima nga si alyas Nenita, 60 anyos kag residente sang Prk. Pagkakaisa, Brgy. San Isidro, Koronadal City.
Suno kay Cabardo, wala sa balay ang iya bana kag bata sini kag diri ginpatigayon sang lola ang paghikog usar ang paghigot sang tie box sa ila kusina.
Nahibaloan nga paralisado ang nasambit nga biktima.
Ini na ang ikaapat nga bes nga napagkit ang insidente sang paghikog kun sa diin una nga na-report ang duha ka estudyante halin sa isa ka pribado nga buluthoan, kag ikatatlo amo ang lalaki nga naghikog bangud wala nag-reply ang iya nobya.
