KORONADAL CITY-Mas ginpasangkad pa sa subong sang Philippine Drug Enforecement Agency Region 12(PDEA-12) ang pagtutok sa ila nga listahan sang mga narco-politician kag aspirant sa palaabuton nga eleksyon nga naulamid sa illegal nga transaksyon may kaangtanan sa illegal nga droga makaligad ang pagkadakop sang isa ka mayoralty candidate sa Northern Kabuntalan, Maguindanao.
Ini ang ginpasiguro ni Kath Abad, PDEA spokesperson sa interview sang Bombo Radyo Koronadal. Suno sa opisyal, mas ginpahugtan pa sa subong sang ila nga linyada sa pagpatigayon sang minitoring sang ila nga grupo sa mga narco-politicians nga naga preparar sa subong sa palaabutong nga camapaign season kag election period sa madason nga tuig.
Dugang pa ni Abad, pinaagi sa ila nga monitoring sa mga narco politicians mapunggan ang talamak nga baligya-anay san droga nga gina himo na nga negosyo sang pila ka mga kandidato.
Dugang pa sini, mas maayo pa nga madakpan sang mgas timprano ang mga ini bangud sa tion pa nga madaog ang mga ini sa isa ka posisyon sang gobyerno , mas madako nga problema ang dala sang mga ini sa bilog nga rehiyon dose.
