Nakaapekto man sa agrikultura sang palay ang asod-asod nga pagsaka sang petrolyo bangud kadam-an sang mangunguma ang nagasalig dir para sa ila uma.
Ini ang nangin pahayag ni Leo Fuentes – Masipag Mindanao Coordinator, sa interview sang Bombo Radyo Koronadal.
Suno kay Fuentes, halin sang nag-umpisa ang kinagamo sa Middle East, lakip sa nagsaka man nga presyo sa mga nagapanguna nga baraklon sa merkado ang bugas sa diin may dugang nga P10 tubtob P15 pesos ang kada kilo.
Sa pihak nga bahin, ginpahayag man ni Fuentes nga wala pa may nabaton nga subsidiya ang mga mangunguma kag manugpangisda sa Davao kun sa diin padayon man nila nga ginalauman.
Suno sa iya, kinahanglan nga maghimo ang gobyerno sang mas dali nga amyendahan nga mga layi sa tion sang kalamidad kag krisis agud mabuligan kag maproteheran ang ordinadayo nga mga Pilipino.
Bangud sini, ginpanawagan niya sa gobyerno nga mas mangin bukas sa singgitan kag kinahanglanon sang katawhan agud mas mangin epektibo ang ila pagahimuon nga mga layi sa palaabuton.
