Nagsugot ang Pilipinas kag siyam nga iban pa nga mga pungsod sang ASEAN nga indi magapataw sang ”retaliatory measures” batok sa Estados Unidos angot sa mga bag-o nga ginpatuman nga mga taripa.
Sa isa ka sinapol sang mga economic ministers nga gintigayon sa Kuala Lumpur sang Huwebes, gintagaan-ligwa nila nga mas masmaayo ang diyalogo kesa magbalos labi na ang US ang isa sa pinakamadako nga ginakuhaan sang foreign direct investments sang ASEAN kag nagapangaduawa nga trading partner sang 2024.
Suno kay Frederick Go, Special Assistant to the President for Investment and Economic Affairs, nakig-angot na ang administrasyon sang Marcos sa Office of the United States Trade Representative (USTR) agud paga-umpisahan ang pag-istoryahanay.
Ginalaauman nga magatalana ini sang pagsinapol sa madason nga panahon.
Samtang ginpahayag ni Trade Secretary Ma. Cristina Roque nga ginalantaw nila ang mangin impact assessment kag mitigation strategies agud protektahan ang mga interes sang rehiyon kag mapabilin ang kumpiyansa sang mga investors.
