KORONADAL CITY – Padayon pa nga ginahibalo sang mga otoridad kun ano ang posible nga motibo sa pagluthang patay sa misis kag apo sang anay bise alkalde sang Datu Montawal, Maguindanao.
Ginkilala ang mga biktima nga sanday Susan Baldestamon Montawal, asawa ni anay Vice Mayor Datu Manontok Bao Montawal, kag apo sini nga si Datu Harris Montawal.
Sa impormasyon nga nakuha sang Bombo Radyo Koronadal, ginluthang ang mga biktima sa merkado sa bahin sang Kabacan, North Cotabato.
Gilayon nga gindangat sa ospital ang mga biktima apang gindeklarar nga dead on arrival.
Pilason man ang duha ka bystander bangud sa natabo.
Narekober naman sa crime scene ang mga basyo sang kalibre 45 nga posible nga gin-usar sang mga suspek batok sa mga biktima.
Nahibaloan nga si Susan Montawal nag-file sang iya certificate of Candidacy bilang board member sang Maguindanao para sa 2019 midterm Election.
