-- ADVERTISEMENT --
Gin-anunsyo sang Viva Live nga magahiwat sang isa ka major solo concert sa Oktubre ang singer nga si Arthur Nery.
Pagapatigayonon ang self-titled concert sang RnB singer sa Araneta Coliseum sa Quezon City sa Oktubre 25, alas 8 sa gab-i.
Ang pagbaligya naman sang ticket para sa nasambit nga music event ang magasugod sa una nga adlaw sang Septyembre.
Matandaan nga nangin breakout year ni Arthur Nery ang tuig 2021, kon sa diin isa sia sa nangin most streamed Filipino artists sa Spotify.
Sang Hulyo 2022, naghiwat man ang singer sang iya solo concert sa New Frontier Theater sa Quezon City.
Si Arthur Nery ang kilala sa iya mga hit songs kalakip na ang “Pagsamo,” “Higa,” kag “Binhi”.
