KORONADAL CITY – Ginakabig nga strong hold sang Socsksargen Region ang mga players sa hampang nga arnis sa nagapadayon nga Palarong Pambansa 2017 sa probinsiya sang Antique.
Ini ang ginpahayag sa Bombo Radyo Koronadal ni DepEd 12 Informationa Officer Anton Maganto.
Suno kay Maganto, wala nila ginalauman nga malabawan sang Arnis players ang medalya nga nakuha sang nagligad nga tuig kun diin naglab-ot na sa 9 ka bulawan nga medalya ang nahatag sang mga ini para sa Region 12 kun diin halos napierde sang mga ini ang 17 ka mga rehiyon sa pungsod.
Suportado naman ini ni Coach Ryan Muyco kag ginpahayag nga sigurado na ang kampiyunato sang Arnis elementary level sa Palarong Pambansa 2017.
Suno pa sa iya, proud sila nga mga coach sa nangin performance sang mga atleta gikan sa Tacurong City division bangud na-break sang mga ini ang record sang gold medals sang nagligad nga tuig.
Isa sa mga ginapabugal nila nga athlete amo si Jeko Jann Heyres, nga makabig nga multiple gold medalist kun diin naglab-ot sa 3 ka mga gold medals ang nakuha sini sa Elementary Boys individual single weapon, mixed double weapon kag team single weapon sa patag sang Arnis.
