KORONADAL CITY- Magasirbe nga inspirasyon sang mga atleta halin sa rehiyon 12 ang pinakauna nga bulawan nga medalya nga nakuha sang SOCCSKSARGEN warriors sa nagapadayon nga Palarong Pambansa 2017 sa San Jose de Buenavista, Antique.
Naangkon ni Jeko Jann Gialogo Heyres sang syudad sang Tacurong, Sultan Kudarat ang pinakauna nga bulawan nga medalya para sa rehiyon sa hampang nga arnis, elementary level.
Sa pihak nga bahin mas nagdako ang kumpyansa sang over-all training manager sang SRAA nga si Henry Dagmil nga madamo pa sang bulawan nga medalya nga mapauli ang mga atleta sang rehiyon 12 bangud sa determinasyon sang mga ini sa mga hinampang nga ginsalihan.
Nagpangayo naman sang pangamuyo kag suporta ang mga atleta halin sa rehiyon 12 nga mag madinalag-on sa mga events nga ginsalihan kag mangin luwas sa ila hinampang.
