KORONADAL CITY- Patay ang apat ka mga ginatudlo nga suspek sa robbery hold-up matapos makig-engkuwentro sa kapulisan sa M’lang, Cotabato.
Ini ang nangin kumpirmasyon sa Bombo Radyo Koronadal ni Police Lt. Col. Realan Mamon, chief of police Mlang Municipal Police Station.
Suno sa iya ang nasambit nga mga armado ang nagpangholdap sa Matalam kag nagpalagyo padulong sa banwa sang M’lang sakay sang motorsiklo. Apang, nangayo sang bulig ang mga biktima sang naagyan sa isa convenient store ang kapulisan gani ginlagas ang mga suspek kag nagluntad ang bayluhanay sang lupok.
Bangud nagbato ang mga suspek nagluntad ang engkwentro nga gintunaan sang kamatayon sang duha sa mga ini.
Samtang ang duha pa sa ila ang nakabunggo sa nakaparada nga elf truck rason nga napatay.
Sa karon ginahibalo pa ang identity sang apat sa anum ka mga suspek nga napatay, samtang may isa ang nadakpan kag may isa pa nga nakapalagyo.
Nagapadayon naman ang imbetigasyon sang mga otoridad sa insidente.
