KORONADAL CITY – Yara na sa kustodiya sang mga otoridad ang 4 ka mga suspek nga nadakpan sang mga katapo sang Koronadal PNP sa ginkasa nga buybust operation sa Prk. Garcia, Brgy. Rotonda, Koronadal City.
Ginkilala ni PLt. Col. Hoover Antono, hepe sang Koronadal City PNP ang mga suspek nga sanday Romeo Codilla Campos, 59 anyos, bata sini nga si Romer Patrick, 20 anyos nga taga koronadal City; Marites Codilla Campos nga utod ni Romeo kag himata sang mga ini nga si Richard Carnasa Codilla, 42 anyos na taga Columbio, Sultan Kudarat.
Sa interview sang Bombo Radyo Koronadal, ginpahayag ni Antonio nga nakuhaan ang mga suspek sang 3 large sachet kag 1 small sachet sang ginapatihan nga shabu, mga residue sang droga kag mga drug paraphernalia.
Madasig naman nga ginsubmiter ang mga nakuha nga mga ebedensiya sa crime lab para sa quantitative at qualitative examination.
Dugang pa ni Antonio nga ang operasyon ang ginpatigayon batuk sa mga magparyentehanay matapos ang ginpatigayon nga surveillance sa mga ini.
Sa karon, ginpasakaan na sang kaso nga paglapas sa RA 9165 ukon Comprehensive Dangerous Drugs Act of 2002 ang mga suspek.
