KORONADAL CITY – Yara na sa kustodiya subong sang mga otoridad ang apat ka drug suspek nga ginatudlo suno pa nga high value target kasubong na diri ang isa ka myembro sang CAFGU sang 30th Infantry Batallion Philippine Army, makaligad ma arestar sa ginpatigayon nga buy bust operation sa bayan sang Esperanza, Sultan Kudarat.
Suno sa Intelligence Operatives ng Esperanza PNP, nga nadakpan mismo sa akto nga nagapot-session ang mga suspek sa isa ka residential house sa Purok Bagong Silang Silyaw Esperanza, sa nasambit nga probinsya.
Ginkilala sang Esperanza PNP ang mga suspek nga sanday Daryl Salbalosa, Ian Dexter Maporo, 34 anyos, Julito Monte Alegre at Rany Aben, 40 anyos nga residente sang Maguindanao.
Narekober sa mga suspek ang apat nga empty sachet, improvise lighter kag mga dagko nga sachet sang shabu.
Sa subong, yara na sa kustodiya sang Esperanza PNP ang mga suspek kag pagakasaan sang kaso nga pagbayolar sa sa RA 9165 o Comprehensive Dangerous Drugs Act of 2002 ang mga nasambit nga suspek.
