KORONADAL CITY- Nagpatigayon sang rally ang isa ka grupo sang mga indibidual sa issue batok sa liwat nga pagligwat sang pagdumili sang mina sa bilog nga probinsya sang South Cotabato.
Ini ang nangin pahayag ni Manong Nani Abela, Laban ng Masa volunteers sa interview sang Bombo Radyo Koronadal.
Suno sa iya, nagpatigayon sila sang rally agud nga ipaabot ang ila nga tinutuyo nga tumong nga padayon nga balabagan ang pagpatigayon sang open pit mining sang probinsya sang South Cotabatao labi nagid sa banwa sang Tampakan.
Dugang pa sini, luyag nila nga balabagan ang plano nga ini para man sa buwas damlag sang madason nga henerasyon kag likawan ang mga kalalat-an nga dala sang mga kalamidad nga epekto man sa pagkaguba sang kina-iyahan.
Nag umpisa sila sa pag martsa halin sa Rizal Park sang Koronadal kag nag agi sa Sinsuat St., Gensan Drive,Arellano St., Judge Alba St. pabalik sa Alunan Avenue kag nagpatigayon san pormal nga rally sa a tubang sa kapitolyo sang South Cotabato para hangyo-on ang mga opsiyal sang Probinsya nga pamatiana ang ila nga luyag.
