KORONADAL CITY- Ginkalipay sang mga otoridad ang pagsungka sang anom ka miyembro sang terorista nga grupo nga kung sa diin nagbalik ini sa sabak sang gobyerno sa Barangay Salunayan, Midsayap, Cotabato.
Sa dugang pahayag ni Lt. Col. Dennis Almoarato, ang Spokesperson sang 6ID Philippine Army sa interbyu sang Bombo Radyo Koronadal, ginpahayag sini nga kusa lamang nga nagsungka ang mga nasambit nga BIFF Members sa hanay sang 602nd Brigade Phil. Army kag 34th Infantry (Reliable) Battalion Commander.
Suno pa kay Almorato, dala sang mga anay miymebro nga BIFF ang ila nga mga armas nga ginakalakipan sang isa ka isang (1) Cal. 30 Garand Rifle, duha ka (2) 7.62mm Sniper Rifle, isang (1) 7.62mm rifle, isa ka (1) M79 Grenade Launcher kag isa ka (1) M14 Rifle nga may mga magazine kag bala.
Ginpahayag pa ni Almorato nga nangin posible ang pagsurrender sang nasambit nga grupo bangud nangin madinalag on ang ila padayon nga pag awhag nga magbalik na ini sa gobyerno bangud madamo naman sila sang mga programa nga ginahatag.
Ginpresenta naman ang nasamabit nga mga grupo sa LGU sang nasambit nga lugar.
Nagtanyag naman sang bulig ang Ministry of Social Services and Development – BARMM para sa mga ini.
Gindugang pa sang opisyal nga ang mga nagsurender ang ipalista sa programa sang gobyerno para sa ila nga integrasyon sa mainstream society.
Sa karon, wala gihapon untat ang ila nga pagpanawagan para naman nga magdamo pa gid ang magbalik na sa sabak sang gobyerno.
