KORONADAL CITY- Nakapagkit sang Anom (6) nga insidente sang Grassfire ang siyudad sang Koronadal sa subong nga bulan sang Marso.
Ini ang nangin pahayag ni FO2 Johnwill Demafeliz Public Information Officer BFP Koronadal.
Suno sa iya, bangud sa tuman nga kainit sang panahon mas dali lamang ang pagluntad sang sunog, indi lamang sa siyudad sang Koronadal kundi mangin man sa mga kaiping nga lugar.
Ginpaklaro sang opisyal nga diri sa siyudad sang Koronadal may anom na ka insidente sang grassfire nga ginakalakipan sang Prk. Tinago kag Prk Lower Kadidang sa Brgy. San Jose nga kung sa diin nahibaluan nga yara sa 25-30 hectares ang gin-igo sang sunog.
Ginsundan man sang Brgy. Paraiso kag mangin man sang Brgy. Saravia.
Nahibaluan nga ang ini nga mga barangay ang may mga nabukid nga lugar nga kung sa diin may mga aktibidad kasubong sang pagkayam, pag uling nga dali lamang dakpon sang kalayo ilabi na sa subong nga panahon.
Sa karon, nagapanawagan ang opisyal, nga ipadayon ang paghalong, kag likayan ang anuman nga mga aktibidad nga mangin tunaan sang sunog.
