Ginpakigbahin sang aktres kag host nga si Anne Curtis ang iya tensyonado nga eksperyensya matapos ang flight niya padul-ong sa United Arab Emirates (UAE), kun sa diin napilitan siya nga magbalik sa Milan, Italy, bangud sa padayon nga airstrikes sa Middle East.
Sa iya social media stories, ginpahayag niya nga padul-ong kuntani siya Dubai agud makaupod ang iya pamilya.
Madumduman nga nag-umpisa ang tensyon sa Middle East sang Sabado matapos naglunsyar ang Estados Unidos kag Israel sang pag-atake batok sa Iran, kun sa diin ginreport sang Iranian state media nga napatay ang Supreme Leader nga si Ayatollah Ali Khamenei.
Bilang sabat, naglunsyar ma ang Iran sang serye sang missile kag drone strikes sa rehiyon, lakip na ang Dubai, isa sa pinakamahal nga hub sang global nga biyahe nga nagakonektar sa Europa kag Asya.
