KORONADAL CITY- Ginbuyagyag ni Barangay Kapitan Dante Bangon sang Barangay Talufo, Tboli, South Cotabato ang pangalan ni Barangay Kapitan Ernesto Manuel nga amo suno pa ang naghana nga suhulan sila nga mga Barangay Kapitan agud nga botohon ini nga ABC President.
Apang, wala suno pa nila ini ginbaton sa baylo, ginhatag nila ini kay Tboli Mayor Dibu Tuan.
Sa panaysayon ni Kapitan Bangon, una sila nga nakabaton sang text message nga may nagapanghatag sang kwarta para sa mga Barangay Kapitan rason nga nagkadto sila sa puluy-an sang ginaaligar bagman kag ila nga napamatud-an nga may kwarta.
Gin-isip pa mismo sa atubangan nila ang tag-150 mil ka kwarta sa kada Kapitan kun diin naglab-ot sa 900 mil ang iya nga gindala sa isa ka resort sa General Santos City kun diin nagatipon sila nga 18 ka mga Barangay Kapitan.
Dugang pa ni Kapitan Bangon nga ang kabaylo lamang sang kwarta amo ang boto kuntani para kay Manuel, apang wala sang bisan isa ka Kapitan nga nagbaton sini.
Samtang, hugot naman nga ginapanginwala ni Barangay Kapitan Ernesto Manuel sang Barangay Edwards, Tboli, South Cotabato nga sa iya nagikan ang kwarta nga ginpanghatag sa mga Barangay Kapitan antes pa man ang eleksiyon sang mga opisyal sang Liga ng mga Barangay sa ila nga banwa.
Sa eksklusibo nga interbyu sang Bombo Radyo Koronadal kay Kapitan Manuel, ginpahayag sini nga waay siya makahibalo kun sin-o ang naghatag sang kwarta, wala siya sang ihibalo kun sin-o ang nagpanuhol kay apisar igasto suno pa sa ila nga puluy-an wala siya sang kapasidad.
Gindugang pa sini nga natingala siya kun ngaa ginpasibangdan siya ni Brgy. Kapitan Bangon kag Mayor Dibu Tuan bangud halin pa man daw sadt nga alkalde siya sang ila nga banwa law abiding citizen siya kag transparency sa pagpanerbisyp ang iya ginahimo.
Nagalibog man daw gani ang iya nga ulo kun ngaa ginaisyuhan siya sang pagpanuhol nga kapartido man sila ni Mayor Tuan, Governor Daisy P. Fuentes kag Congressman Dinand Hernandez.
Kag sa pagkamatuod, pormal siya nga naglecencia nga magapapili nga ABC President kag nagpasugot man daw ang mga ini.
Nakahanda naman nga atubangon ni Barangay Kapitan Manuel sang ipasaka nga kaso batuk sa iya.
Suno kay Manuel, katungod sang mga nagaakusar sa iya nga pasakaan siya sang panumbungon.
Apang, ginapasiguro sini nga inosente siya kag wala sang ihibalo sa anuman nga ginapasibangod sa iya.
