KORONADAL CITY- Nakilala na ang patay nga lawas sang isa ka anay nga preso nga nasapwan nga nagaligo sang iya kaugalingon nga dugo kag naka-duct tape ang hitsura sini sa gilid sang highway sa Sitio Sabpa, Barangay Kapinpilan, Midsayap, Cotabato(SGA-BARMM).
Sa interbyu sang Bombo Radyo Koronadal kay P/Lt Col. John Miridel Calinga, Chief of Police sang Midsayap PNP, ginkilala ang biktima nga si Christian John Lopez Martinez, 26 anyos, sltero kag residente sang Barangay Central Glad, Midsayap, Cotabato.
Sandig sa imbestigasyon sang mga otoridad, anay nga preso ang biktima bangud sa pagkalakip sini sa illegal nga druga.
Suno pa kay Calinga, nakaangkon sang mga pilas sa ulo ang biktima gikan sa wala pa nahibaluan nga butang nga nangin tunaan sang iya gilayon nga kamatayon.
Sa karon, nagapadayon ang imbestigasyon sang mga otoridad sa kung sin o ang may kahimuan sa pagkapatay sang biktiman.
Samtang narekober man ang sulat sang biktima para sa iya nga iloy kag tiyo antes ini mapatay.
